Australia ਨੂੰ ਵੱਡਾ ਝਟਕਾ, ਜਖ਼ਮੀ ਕਪਤਾਨ ਪੈਟ ਕਮਿੰਸ ਦਾ ਖੇਡਣਾ ਤੈਅ ਨਹੀਂ

ਪਾਕਿਸਤਾਨ ਦੀ ਮੇਜ਼ਬਾਨੀ ‘ਚ 19 ਫਰਵਰੀ ਤੋਂ ਸ਼ੁਰੂ ਹੋਣ ਵਾਲੀ ਆਈਸੀਸੀ ਚੈਂਪੀਅਨਜ਼ ਟਰਾਫੀ ਤੋਂ ਪਹਿਲਾਂ ਆਸਟ੍ਰੇਲੀਆ ਨੂੰ ਵੱਡਾ ਝਟਕਾ ਲੱਗਾ ਹੈ।

ਵਿਸ਼ਵ ਕੱਪ ਚੈਂਪੀਅਨ ਕਪਤਾਨ ਪੈਟ ਕਮਿੰਸ ਜ਼ਖਮੀ ਹਨ ਅਤੇ ਅਜੇ ਇਹ ਤੈਅ ਨਹੀਂ ਹੋਇਆ ਹੈ ਕਿ ਉਹ ਇਸ ਆਈਸੀਸੀ ਟੂਰਨਾਮੈਂਟ ‘ਚ ਖੇਡਣਗੇ ਜਾਂ ਨਹੀਂ।

ਪੈਟਰਨਿਟੀ ਲੀਵ ‘ਤੇ ਪੈਟ ਕਮਿੰਸ

ਪੈਟ ਕਮਿੰਸ ਨੂੰ ਗਿੱਟੇ ਦੀ ਸੱਟ ਦਾ ਸਾਹਮਣਾ ਕਰਨਾ ਪਿਆ ਸੀ। ਕਮਿੰਸ ਇਸ ਸਮੇਂ ਪੈਟਰਨਿਟੀ ਲੀਵ ‘ਤੇ ਹੈ ਅਤੇ ਆਪਣੇ ਦੂਜੇ ਬੱਚੇ ਦੇ ਜਨਮ ਦੀ ਉਡੀਕ ਕਰ ਰਹੇ ਹਨ। ਕਮਿੰਸ ਨੂੰ ਸ਼੍ਰੀਲੰਕਾ ਖਿਲਾਫ ਹੋਣ ਵਾਲੀ 2 ਮੈਚਾਂ ਦੀ ਟੈਸਟ ਸੀਰੀਜ਼ ਲਈ ਟੀਮ ਤੋਂ ਬਾਹਰ ਰੱਖਿਆ ਗਿਆ ਹੈ। ਉਨ੍ਹਾਂ ਦੀ ਜਗ੍ਹਾ ਰਾਸ਼ਟਰੀ ਟੀਮ ਦੀ ਕਪਤਾਨੀ ਸਟੀਵ ਸਮਿਥ ਨੂੰ ਸੌਂਪੀ ਗਈ ਹੈ।

ਬੇਲੀ ਨੇ ਕਮਿੰਸ ਦੀ ਸੱਟ ਬਾਰੇ ਦਿੱਤੀ ਅਪਡੇਟ

ਆਸਟ੍ਰੇਲੀਆ ਦੀ ਚੋਣ ਕਮੇਟੀ ਦੇ ਚੇਅਰਮੈਨ ਜਾਰਜ ਬੇਲੀ ਨੇ ਪੈਟ ਕਮਿੰਸ ਦੀ ਸੱਟ ਨੂੰ ਲੈ ਕੇ ਵੱਡਾ ਅਪਡੇਟ ਦਿੱਤਾ ਹੈ। ਆਗਾਮੀ ਆਈਸੀਸੀ ਚੈਂਪੀਅਨਜ਼ ਟਰਾਫੀ ਵਿੱਚ ਕਮਿੰਸ ਦੀ ਭਾਗੀਦਾਰੀ ਨੂੰ ਲੈ ਕੇ ਅਜੇ ਵੀ ਸ਼ੱਕ ਹੈ।

ਬੇਲੀ ਨੇ ਜਾਣਕਾਰੀ ਦਿੱਤੀ ਹੈ ਕਿ, ‘ਪੈਟ ਫਿਲਹਾਲ ਪੈਟਰਨਿਟੀ ਲੀਵ ‘ਤੇ ਹੈ। ਉਸ ਦੇ ਗਿੱਟੇ ‘ਤੇ ਮਾਮੂਲੀ ਸੱਟ ਲੱਗੀ ਹੈ। ਅਗਲੇ ਹਫਤੇ ਉਸ ਦਾ ਸਕੈਨ ਹੋਵੇਗਾ, ਜਿਸ ਤੋਂ ਬਾਅਦ ਸਾਨੂੰ ਉਸ ਦੀ ਸਥਿਤੀ ਦਾ ਸਹੀ ਅੰਦਾਜ਼ਾ ਲੱਗੇਗਾ।’

ਕਮਿੰਸ ਦੇ ਚੈਂਪੀਅਨਜ਼ ਟਰਾਫੀ 2025 ‘ਚ ਖੇਡਣ ‘ਤੇ ਸ਼ੱਕ

ਜਦੋਂ ਬੇਲੀ ਤੋਂ ਪੁੱਛਿਆ ਗਿਆ ਕਿ ਕੀ ਕਮਿੰਸ ਚੈਂਪੀਅਨਸ ਟਰਾਫੀ 2025 ‘ਚ ਖੇਡ ਸਕਣਗੇ ਤਾਂ ਉਨ੍ਹਾਂ ਨੇ ਜਵਾਬ ਦਿੱਤਾ, ‘ਫਿਲਹਾਲ ਕੁਝ ਨਹੀਂ ਕਿਹਾ ਜਾ ਸਕਦਾ। ਸਕੈਨ ਦੇ ਨਤੀਜਿਆਂ ਅਤੇ ਉਨ੍ਹਾਂ ਦੀ ਪ੍ਰਗਤੀ ਦੇਖਣ ਤੋਂ ਬਾਅਦ ਹੀ ਫੈਸਲਾ ਲਿਆ ਜਾਵੇਗਾ।’

ਜਖਮੀ ਹੋਈ ਆਸਟ੍ਰੇਲੀਆਈ ਟੀਮ ਦੇ ਖਿਡਾਰੀ

ਦੱਸ ਦੇਈਏ ਕਿ ਆਸਟ੍ਰੇਲੀਆਈ ਟੀਮ ਇਸ ਸਮੇਂ ਮੁੱਖ ਖਿਡਾਰੀਆਂ ਦੀਆਂ ਸੱਟਾਂ ਨਾਲ ਜੂਝ ਰਹੀ ਹੈ। ਕਮਿੰਸ ਬਾਰਡਰ-ਗਾਵਸਕਰ ਟਰਾਫੀ ਦੌਰਾਨ ਦਰਦ ਦੇ ਬਾਵਜੂਦ ਖੇਡਿਆ, ਜਦਕਿ ਮਿਸ਼ੇਲ ਸਟਾਰਕ ਵੀ ਚੌਥੇ ਟੈਸਟ ਵਿੱਚ ਜ਼ਖਮੀ ਹੋ ਗਿਆ ਸੀ, ਪਰ ਸਿਡਨੀ ਟੈਸਟ ਵਿੱਚ ਖੇਡਣ ਵਿੱਚ ਕਾਮਯਾਬ ਰਹੇ।

ਹੇਜ਼ਲਵੁੱਡ ਪੂਰੀ ਤਰ੍ਹਾਂ ਫਿੱਟ ਰਹੇਗਾ

ਸੱਜੇ ਹੱਥ ਦੇ ਤੇਜ਼ ਗੇਂਦਬਾਜ਼ ਜੋਸ਼ ਹੇਜ਼ਲਵੁੱਡ ਵੱਛੇ ਦੀ ਸੱਟ ਕਾਰਨ ਭਾਰਤ ਵਿਰੁੱਧ ਗਾਬਾ ਟੈਸਟ ਤੋਂ ਬਾਹਰ ਹੋ ਗਏ ਸਨ ਅਤੇ ਉਨ੍ਹਾਂ ਨੂੰ ਸ਼੍ਰੀਲੰਕਾ ਦੌਰੇ ਲਈ ਟੀਮ ਵਿੱਚ ਵੀ ਸ਼ਾਮਲ ਨਹੀਂ ਕੀਤਾ ਗਿਆ ਸੀ। ਹਾਲਾਂਕਿ, ਬੇਲੀ ਨੇ ਕਿਹਾ ਹੈ, ‘ਸਾਨੂੰ ਭਰੋਸਾ ਹੈ ਕਿ ਉਹ (ਹੇਜ਼ਲਵੁੱਡ) ਪੂਰੀ ਤਰ੍ਹਾਂ ਫਿੱਟ ਅਤੇ ਚੈਂਪੀਅਨਜ਼ ਟਰਾਫੀ ਲਈ ਤਿਆਰ ਹੋਵੇਗਾ।’